اسپاٹیفائی نے مداحوں کے لیے اپنی ایپ میں ایک نئی ذاتی نوعیت کا ایکسپیرینس متعارف کروایا ہے، جس کے ذریعے صارفین جان سکیں گے کہ وہ ”عادیز” کی کون سی شخصیت رکھتے ہیں۔ اس منفرد تجربے کا مقصد یہ دکھانا ہے کہ پاکستان کے معروف گلوکار عاطف اسلم کے مداح ان کی موسیقی سے کس منفرد انداز میں جڑے ہوئے ہیں۔
کراچی،: ہر عاطف اسلم کے مداح کا ان کی موسیقی سے ایک الگ اور منفرد رشتہ ہوتا ہے۔
کسی کے لیے یہ کہانی برسوں پرانی ہے، تو کسی نے رات گئے سنی جانے والی کسی پلے لسٹ یا دوست کے بھیجے گئے گانے سے انہیں دریافت کیا۔ کچھ لوگ زندگی کے خاموش لمحوں میں ان کی موسیقی کی طرف لوٹتے ہیں، جبکہ کچھ ہمیشہ سب سے پہلے ان کا نیا گانا سننا چاہتے ہیں۔ عاطف اسلم کے نئے البم ”صبح آئے نہ” کی ریلیز کے موقع پر اسپاٹیفائی نے ”اپنے اندر کے عادیز کو دریافت کریں ” کے عنوان سے ایک نیا اِن ایپ تجربہ متعارف کرایا ہے، جس کے ذریعے مداح جان سکتے ہیں کہ وہ عاطف اسلم کی موسیقی سے کس منفرد انداز میں جڑے ہوئے ہیں۔ یہ فیچر مداحوں کے برسوں پر محیط موسیقی کے سفر کو خراجِ تحسین پیش کرتا ہے اور انہیں نئے البم سے مزید قریب لاتا ہے۔
یہ اِن ایپ تجربہ اسپاٹیفائی کے فری اور پریمیم، دونوں طرح کے صارفین کے لیے دستیاب ہے۔ اس کا طریقہ یہ ہے کہ سب سے پہلے سامعین کو البم ”صبح آئے نہ” میں سے اپنا پسندیدہ گانا منتخب کرنا ہوگا، جس کے بعد خوبصورت اینیمیشنز کے ذریعے انہیں چار مختلف ”عادیز” شناختوں میں سے ایک سے جوڑا جائے گا۔ اس کے بعد انہیں ایک ذاتی شیئر کارڈ بھی دیا جائے گا، جسے وہ سوشل میڈیا پر اپنے دوستوں کے ساتھ شیئر کر سکتے ہیں۔
اسپاٹیفائی پاکستان کے مارکیٹنگ مینیجر طلحہ ہاشم نے کہا: ”ہر شخص موسیقی کو اپنے انداز میں محسوس کرتا ہے، اور یہی سوچ اس تجربے کی بنیاد بنی۔ ‘اپنے اندر کے عادیز کو دریافت کریں ‘ مداحوں اور عاطف اسلم کی موسیقی کے درمیان موجود منفرد تعلق کو ایک دلچسپ، ذاتی اور شیئر کیے جانے والے تجربے میں بدل دیتا ہے۔ یہ اس بات کی ایک اور مثال ہے کہ اسپاٹیفائی کس طرح مداحوں کو اپنے پسندیدہ فنکاروں کے مزید قریب لانے کے لیے نئے اور منفرد تجربات تخلیق کر رہا ہے۔”
چار مختلف ”عادیز” شناخت
بارڈر لیس عادیز: آپ کی پلے لسٹ کی کوئی سرحد نہیں۔ آپ مختلف انداز کی موسیقی پسند کرتے ہیں اور ہر موقع کے لیے موزوں گانا ڈھونڈ لیتے ہیں۔
مون رائز عادیز: جب دن ڈھلتا ہے تو موسیقی آپ کی ساتھی بن جاتی ہے۔ عاطف اسلم کے گانے آپ کے پُرسکون لمحات کا لازمی حصہ ہوتے ہیں۔
او جی عادیز: آپ ابتدا ہی سے عاطف اسلم کے مداح ہیں۔ ہر گانا ایک یاد تازہ کرتا ہے اور ہر نئی ریلیز آپ کے لیے ایک نئے باب کی حیثیت رکھتی ہے۔
ارلی ڈسکورر عادیز: آپ ہمیشہ نئے گانے سب سے پہلے سنتے ہیں اور نئی موسیقی دوسروں سے پہلے دریافت کر لیتے ہیں۔
اس اِن ایپ تجربے کو کیسے استعمال کریں؟
صارفین اپنے موبائل پر اسپاٹیفائی ایپ کھول کر ”اپنے اندر کے عادیز کو دریافت کریں ” بینر پر کلک کر سکتے ہیں، یا فراہم کردہ لنک استعمال کر سکتے ہیں۔ پسندیدہ گانا منتخب کرنے کے بعد اینیمیشنز کے ذریعے ان کی ”عادیز” شناخت سامنے آتی ہے، جس کے بعد ایک ذاتی شیئر کارڈ تیار ہوتا ہے، جسے محفوظ کر کے سوشل میڈیا پر شیئر کیا جا سکتا ہے۔
