37
بھارت کی ریاست مدھیہ پردیش کے شہر گوالیار میں ہندو مذہبی تہوار نوراتری کے دوران ایک بے قابو ٹرک نے مندر جانے والے عقیدت مندوں کو کچل دیا، جس کے نتیجے میں 13افراد ہلاک جبکہ تقریباً 40زخمی ہو گئے۔پولیس کے مطابق حادثہ اتوار کی علی الصبح تقریبا ڈیڑھ بجے شیتلا ماتا مندر کے قریب پیش آیا۔
دھان سے لدا ٹرک ڈھلوان پر قابو سے باہر ہوگیا اور پولیس کی رکاوٹیں توڑتے ہوئے سڑک پر موجود زائرین سے جا ٹکرایا، جس کے بعد مندر کی بیرونی دیوار اور گیٹ سے جا ٹکرایا۔حکام کے مطابق زخمیوں میں سے 4 سے 6 افراد کی حالت تشویشناک بتائی گئی ہے جبکہ دیگر کو مختلف اسپتالوں میں منتقل کیا گیا۔
