حکومت کا پیٹرولیم قیمتوں میں بڑا ردوبدل، پیٹرول 393 روپے 33 پیسے فی لیٹر ہو گیا

پیٹرولیم لیوی بڑھنے سے عوام پر بوجھ، مٹی کے تیل کی قیمت میں نمایاں کمی

حکومت نے پیٹرول اور ہائی اسپیڈ ڈیزل کی قیمتوں میں بڑے اضافے کے بعد مٹی کے تیل کی قیمت میں نمایاں کمی کر دی ہے۔ اوگرا کی جانب سے جاری نوٹیفکیشن کے مطابق مٹی کا تیل 63 روپے 60 پیسے فی لیٹر سستا کر دیا گیا، جس کے بعد نئی قیمت 365 روپے 21 پیسے فی لیٹر مقرر ہو گئی۔ اس سے قبل گزشتہ ہفتے بھی مٹی کے تیل کی قیمت میں 21 روپے 34 پیسے فی لیٹر کمی کی گئی تھی۔

پیٹرول اور ڈیزل مہنگے، مٹی کا تیل 63 روپے 60 پیسے فی لیٹر سستا

دوسری جانب حکومت نے پیٹرول اور ڈیزل کی قیمتوں میں 26 روپے 77 پیسے فی لیٹر اضافہ کیا ہے۔ اضافے کے بعد پیٹرول کی نئی قیمت 393 روپے 33 پیسے جبکہ ہائی اسپیڈ ڈیزل کی نئی قیمت 380 روپے 19 پیسے ہو گئی۔ نئی قیمتوں کا اطلاق 25 اپریل سے ایک ہفتے کے لیے ہوگا۔ وفاقی وزیر پیٹرولیم کے مطابق عالمی منڈی میں تیل کی بڑھتی قیمتوں، علاقائی کشیدگی اور بین الاقوامی معاہدوں کے باعث قیمتوں میں اضافہ ناگزیر ہو گیا۔

سب سے بڑا اضافہ پیٹرول میں، قیمت 26 روپے 77 پیسے بڑھ کر 393 روپے 33 پیسے فی لیٹر ہوگئی

حکام کے مطابق پیٹرول پر عائد پیٹرولیم ڈیولپمنٹ لیوی 80.61 روپے سے بڑھا کر 107.38 روپے فی لیٹر کر دی گئی، جسے پیٹرول کی قیمت میں اضافے کی بڑی وجہ قرار دیا جا رہا ہے، جبکہ ہائی اسپیڈ ڈیزل پر لیوی صفر برقرار رکھی گئی۔ حکام نے یہ بھی کہا کہ اگر پیٹرول پر لیوی میں اضافہ نہ کیا جاتا تو پیٹرول کی سابق قیمت برقرار رکھی جا سکتی تھی۔

نئی اور پرانی قیمتوں کا جدول